KIDAPAWAN CITY, Philippines – Dalawa katao ang biktima ng magkahiwalay na pamamaril sa Kabacan, North Cotabato kahapon ng umaga.
Nagbebenta ng kanyang paninda sa palengke ng Cabacan ang 47-anyos na Maranaw na si Hasan Onte nang lapitan at barilin siya ng hindi pa nakikilalang salarin.
Patuloy pang inaalam ng mga awtoridad ang motibo sa pamamaril at ang pagkatao ng mga salarin.
Noong Lunes, binaril at napatay ang magsasakang si Ronald Garbin, 24, ng Barangay Katidtuan, Kabacan.
Naganap ang pamamaril kay Garbin habang minamaneho nito ang XRM motorcycle pauwi ng bahay niya sa Barangay Katidtuan. Kasama ng biktima ang kanyang misis.
Naisugod pa sa Kabacan Medical Specialist Hospital si Garbin pero binawian din siya ng buhay doon. Ligtas naman ang kanyang asawa. (Malu Manar)