2 mister tinodas, misis ginahasa

CAMP SIMEON OLA, Legazpi City, Philippines — Dalawang mangingisda ang pinatay at inihulog sa isang balon ng tatlong lalaki habang gina­hasa naman ng mga salarin ang asawa ng isa sa mga biktima sa Sitio Tagiktik, Ba­­ rangay San Agustin, Aro­roy, Masbate ng kama­ka­lawa ng gabi.

Kinilala ng pulisya ang mga nasawi na sina Ricardo Pilar, 69-anyos, biyudo; at Romeo Aparel, 30-anyos, may asawa, kapwa resi­dente ng Sitio Tagiktik.

Gayunman, nadakip ng pulisya ang dalawa sa mga suspek na sina Melchor Cua­re, 18-anyos, binata, wa­lang trabaho at resi­dente ng Sitio Loco, Ba­rangay Malubi; at Mar­vin Roxas, 17, binata, mag­sasaka at resi­dente ng Sitio Dongon ng naturang ba­rangay.

Tinutugis pa ng pulisya habang isinusulat ito ang nakatakas pang suspek na si Rolly Manlapaz, nasa hus­tong gulang, at re­sidente ng Barangay Igang, Mas­bate City.

Nag-iinuman sa naturang lugar sina Pilar at Aparel nang big­lang dumating ang mga salarin at walang sabing hi­nataw ng matigas na bagay ang ulo ng mga biktima, igi­na­­pos ang mga kamay saka nilagyan ng mabigat na bagay sa likuran at inihulog ang mga ito sa isang balon.

Matapos isagawa ang krimen ay halinhinang gina­hasa ng mga salarin ang asa­wa ni Aparel.  (Ed Casulla)