MANILA, Philippines - Masaklap na kamatayan ang sinapit ng isang bagitong pulis matapos mabangga ang motorsiklo nito ng sasakyan ay nagulungan pa ng van sa national road ng Barangay Taytay, Danao City, Cebu kamakalawa.
Si PO1 Ricky Sagayno Linawagan ng himpilan ng pulisya sa bayan ng Carmen ay nabangga ng wagon (XBF 985) ni Bernd Kappler Henkenhaf.
Bumaliktad ang sinasakyan motorsiklo ng biktima sa gilid at sinikap na tumayo kahit na duguan pero sa kamalasan ay nasagasaan pa ito at nakaladkad ng van (MCJ 658) ni Cosme Patente de Gracia. (Joy Cantos)