BULACAN, Philippines – Kalaboso ang isang nagpakilalang confidential agent ng Armed Forces of the Philippines matapos na makumpiskahan ng baril na sinasabing walang kaukulang papeles sa Brgy.Camias sa bayan ng San Miguel, Bulacan kamakalawa. Pormal na kinasuhan ng pulisya ang suspek na si Manolito De Castro ng nabanggit na barangay. Ang suspek na sakay ng motorsiklo ay nasabat ng mga tauhan ni P/Supt. Anselmo Baluyot sa PNP checkpoint. Wala ring maipakitang dokumento na pag-aari nito ang minamanehong motorsiklo. - Boy Cruz