2 pa lumaya sa P2-milyong ransom?

MANILA, Philippines - Pinalaya na ng mga kidnapper na hinihinalang mi­yembro ng Pentagon kidnap for ransom gang ang isang 72-anyos na matandang babaeng negosyanteng Filipino-Chinese at driver nito noong Miyerkules ng gabi, ayon sa report ng pulisya kahapon.

Kinilala ni Cotabato City Police Director Sr. Supt. Willie Dangane ang mga biktima na sina Lourdes Tan-Kian at driver nitong si Bernardo Isidro.

Sinabi ni Dangane na kasalukuyan namang ini­imbestigahan ng mga awto­ridad ang napaulat na nag­bayad ng P2 milyong ransom ang pamilya Tan-Kian sa mga kidnapper kapalit ng kalayaan ng dalawang bik­tima. Ang dalawa ay pi­na­kawalan ng mga kidnappers sa bisinidad ng Taviran, Datu Odin Sinsuat, Maguin­danao bandang alas-9 ng gabi. (Joy Cantos)