CAVITE, Philippines – Isang 56-anyos na katiwala ng hardware ang iniulat na napaslang makaraang gilitan sa leeg ng ’di-pa kilalang lalaki na sinasabing tumangay ng malaking halaga kamakalawa sa Barangay Tejeron sa bayan ng General Trias, Cavite.
Natagpuang patay sa loob ng Topyield Hardware ang caretaker na Tsinoy na si Thomas Khaw.
May teorya ang pulisya na tinyempuhang magsasara ang hardware dahil sa tanghalian bago isinagawa ang krimen.
May palatandaan puwersahang binuksan ang gate ng tindahan kaya nakapasok ang magnanakaw. (Cristina Timbang)