Kinidnap na Chinese trader pinalaya na

KIDAPAWAN CITY, Philippines – Pi­na­laya na kahapon ang ki­nidnap na Chinese trader sa bisinidad ng Barangay Raja­muda sa bayan ng Pikit, North Cotabato.

Si Mafen Wo, 24, na hi­pag ni Atchan Wo na may- ari ng Atchan Enterprises at TFTF Enterprises sa Ba­rangay Pob­lacion ay dinukot ng grupo ni Mayangkang Saguile sa kahabaan ng USM Avenue sa bayan ng Kabacan, North Cotabato noong Miyerkules.

Si Saguile ay sinasabing sangkot sa serye ng kidnapping ng mga negosyante sa Cotabato City, Midsayap, at iba pang bahagi ng Central Mindanao.

Nauna na nang napaulat na humingi ng P13 milyon ran­som ang mga kidnaper para sa kalayaan ng biktima.

Ayon kay P/Supt. Rena­to Hiso, oic ng North Cota­bato PNP, pinalaya ang biktima matapos na maki­pagnego­sasyon sa mga kidnaper ang ilang opisyal ng lokal na pa­mahalaan.

Sumaksi sa pagpapalaya sa biktima sina Pagalungan Mayor Norodin Matalam, Pikit Mayor Sumulong Sultan, Kabacan Mayor George Tan at si Cotabato Governor Jesus Sacdalan.

Ang biktima ay isinailalim na sa debriefing ng 602nd Brigade sa bayan ng Car­men, North Cotabato, bago iturn-over sa kanyang pa­milya sa Davao City.

May teorya ang pulisya na nagbigay ng malaking halaga ang pamilya ni Wo sa pagpa­palaya ng bik­ tima. (Malu Manar at Ricky Tulipat)