LINGAYEN, Pangasinan, Philippines —Napaaga ang salubong ni kamatayan sa dalawang sibilyan makaraang ratratin ng mga maskaradong kalalakihan sa bisinidad ng Barangay Poblacion sa bayan ng Mangaldan, Pangasinan noong Sabado ng hapon. Idineklarang patay sa Medical Centrum sa Dagupan City sina Jose “Jojo” Moulic, Jr., 47, negosyante; at Wilson Abalon, 27. Sa ulat ng pulisya, lumilitaw na naglalaro ng tong-its ang magkaibigan sa peryahan nang lapitan at pagbabarilin ng apat na kalalakihan sakay ng dalawang motorsiklo. Narekober sa pag-iingat ni Moulic ang isang cal.9mm na may magasin na naglalaman ng 14-bala. Cesar Ramirez