BATANGAS, Philippines – Binaril at napatay ang isang 39-anyos na lalaki ng sarili nitong kapatid matapos magtalo sa hiniram na baril ng huli sa Barangay Ambulong sa Tanauan City, Batangas kamakalawa ng hapon.
Kinilala ni P/Supt. Willy Atun, ang biktima na si Fernando Villanueva habang tugis naman ng pulisya ang suspek na si Garciano Villanueva, 40. Ayon sa police report, hinihingi na ni Fernando ang ipinahiram nitong baril sa suspek pero tumanggi ang huli hanggang sa mauwi sa mainitang pagtatalo at pamamaslang.
Napag-alamang nakapagsalita pa ang suspek ng mga katagang- “mabuti ng ikaw ang patay kaysa sa ako,” Gayon pa man, nakatakas si Garciano sakay ng kulay pulang pick-up habang nakarekober sa crime scene ng 9 na basyo at 3 slugs ng 9mm. - Arnell Ozaeta