CABANATUAN CITY, Nueva Ecija , Philippines – Rehas na bakal ang binagsakan ng apat na kalalakihan na sinasabing mga karnaper makaraang makumpiskahan ng nakaw na owner-type jeep sa bisinidad ng Cabanatuan City, Nueva Ecija kamakalawa.
Ayon kay P/Senior Supt. Ricardo Marquez, provincial police director, kabilang sa mga suspek na kinasuhan ay sina Jaime Villanueva, Jorge Nera, Gino Ferrer at si Joel Castro na pawang naninirahan sa Barangay Bantug Norte at Barangay Burgos, sa bayan ng Sta. Rosa.
Lumilitaw sa beripikasyon ng pulisya, ang nasabing karnap na sasakyang may plakang DKC-651 ay pag-aari ni Joseph Echipera. (Christian Ryan Sta. Ana)