Mag-ama pinalaya ng kidnaper

Pinaniniwalaang nagbayad ng malaking halaga kaya pinalaya ang mag-amang dinukot ng mga armadong kalalakihan kamakalawa ng gabi sa bayan ng Talayan, Maguindanao.

Ayon sa ulat ng Army’s 6th Infantry Division na pinamumunuan ni Major Gen. Alfedo Cayton, kinilala ang mag-ama na sina Wilson Tan, 50, hardware owner sa Cotabato City at anak nitong si Jennifer Tan, 10. 

Sa pahayag naman ni P/Senior Supt. Willie Da­ ngane, ang mag-ama ay inabandona ng Pentagon-kidnap-for-ransom gang sa pamumuno ni Commander Zaynudin Nashrudin sa bisi­ni­dad ng Brgy. Brar.

Sa ulat ng regional spokesman ng Army na si Col. Jonathan Ponce, maaaring na-pressure ang mga kidnaper dahil sa dami ng puwersa ng militar at pulisya na tumu­tugis sa mga ito kaya napilitang abandonahin ang mag-ama.

Ma­gu­gunita na ang mag-amang Tan ay kinidnap habang lulan ng kulay abong Mazda van (MVR 879) sa Don Sero Street, Rosary Heights, Cotabato City noong Martes ng gabi (Peb. 17). (Joy Cantos)