RIZAL, Philippines – Tila umatake sa isang pitong taong gulang na batang lalake ang banta ng Friday the 13th matapos na matagpuang patay na tila may palo ng matigas na bagay sa ulo nito sa isang madamong lugar sa Binangonan, Rizal kahapon ng umaga.
Ayon sa inisyal na ulat ni PO1 Froilan Tagle Quisquino ng Binangonan Police, nakilala ang biktima na si Rommel de Silva, tindero ng pan de sal at residente sa Block 11, Lot 14, Sitio Sto. Niño, Brgy. Bilibiran, sa nasabing bayan.
May mga sugat sa katawan ang biktima at nagdudugo ang ilong na indikasyon na pinalo ito ng matigas na bagay sa ulo na siyang ikinamatay nito.
Nakita rin sa tabi ng biktima ang mga malalaking bato na pinaniniwalaang ginamit sa pamamaslang sa biktima. (Ricky Tulipat)