Pastor tinodas sa misa

Hindi na iginalang ang ka­sagraduhan ng panga­nga­ral ng Salita ng Dios ng isang pastor makaraang pagbabarilin ng ‘di-pa kila­lang lalaki habang nagmi­misa sa bayan ng Magalla­nes, Agusan del Norte ka­hapon ng umaga.

Kinilala ang biktima na si Bedal Selyo, 69, pastor ng Filipina Independiente Catholica at residente ng Purok 5 Dahican sa Brgy. Caloc-an sa bayang na­banggit.

Sa inisyal na ulat ng pulisya na isinumite sa Camp Crame, pasado alas-8 ng umaga habang nagbibigay ng kaniyang sermon sa mga panatiko ng nasabing sekta ng re­lihiyon si Selyo nang big­lang sumulpot at pagba­ba­rilin ng ‘di-kilalang lalaki.

Nabatid na ang sermon ay isinagawa ni Pastor Selyo sa bahay nito na dinarayo ng kaniyang mga  deboto.

Napag-alamang hawak pa ang Bibliya ng biktima nang duguang bumulagta sa harapan ng kanyang mga debotong nagsisiga­wan sa takot.

Pinaniniwalaan namang alitan sa lupa ang pangu­nahing motibo ng krimen habang patuloy ang imbes­tigasyon ng pulisya. (Joy Cantos)