Bangka lumubog: 5 nawawala

Lima-katao kabilang ang tatlong kawani ng National Power Corp. (Napocor) ang iniulat na nawawala maka­raang lumubog ang bangka na kanilang sinasakyan habang naglalayag sa kara­gatang sakop ng Pa­ lawan, ayon sa ulat ka­hapon.

Kinilala ng regional PNP director na si Chief Supt. Luisito Palmera, ang tat­long kawani na sina Jerry Castolo, Henry Sumanting, at Rexto Magalona, pa­wang nakabase sa Napocor Lina­pacan.

Kasama rin sa mga pi­naghahanap ang operator ng pumpboat na si Dong­dong Capangpangan at Elmar Fabiano na kapwa re­sidente ng Brgy. San Mi­guel, Linapacan.

Napag-alamang nagla­yag ang mga biktima noong Huwebes patungo sa isa sa isla ng Agutaya sakay ng Rian-J pumpboat na pag-aari ni Councilor Henry Liao,para kunin ang dynamo ng Napocor na ga­ gamitin sa nasabing muni­sipalidad.

Ayon sa police report, pabalik na ang grupo mula sa Agutaya noong Biyernes ng umaga, subalit hindi na nakabalik ang mga ito.

Nakapagpadala pa ng text message sa kanyang pamilya sa Linapacan ang isa sa mga biktima at sina­bing tumaob ang kanilang bangka dahil sa malakas na hangin at alon.

Pinaniniwalaan na ang insidente ay naganap alas-10:30 ng umaga sa pagitan ng Barangay Manamoc sa Cuyo island group at Ba­rangay Nangalao, Linapa­can kamakalawa.

Samantala, humingi na rin ng tulong sa Philippine Navy ang pulisya subali’t hanggang kahapon (Sa­bado) ng umaga ay wala pang nakikita ang mga rescuer sa mga pinaghahanap na biktima.