Pamilya, 7 utas sa air strike

Pito-katao kabilang ang limang bata ang iniulat na nasawi makaraang mada­may sa air strike ng military laban sa mga tumatakas na mga rebeldeng Moro Islamic Liberation Front (MILF) sa Maguindanao kahapon.

Kabilang sa mga bikti­mang nasawi ay ang mag-asawang Dayeah Manung­gal Mandi at Vilma, mga anak na sina Aida, 17; Fa­idza, 4; Bai Lyn, 10; King, 7; at Arcaya, 6, saman­talang sugatan naman si Jamaludil, 17.

Mariin naman pinag­pilitan ng militar na mga rebelde ang kanilang pi­nuntirya sa air strike, su­balit sinabi ni Musib Uy Tan, municipal administrator at spokesman ni Datu Piang Mayor Samer Uy na pawang mga sibilyan ang nadamay.

Napag-alamang binom­ba ng militar ang isang pump boat na sinasakyan ng mga biktima habang naglalayag sa Pawas River sa Barangay Te patungong evacuation center sa Pob­lacion.

“They hit the wooden boat and five children and their father were killed. Their mother’s body is still missing. Another victim who survived the air strike is now in the hospital – they are all innocent civilians,” pahayag ni Tan sa GMA News.TV.

Wala naman ipinalabas na statement ang mga opisyal ng lokal na pama­halaan, subalit kinondena ni Tan ang military attack kung saan nagsilikas ang 700 pamilya mula sa na­banggit na lugar.

Sa phone interview, kinumpima ni Army‘s 6th Infantry Division (ID) spokesman Col. Julieto Ando, bagama’t limitado ang kanilang operasyon ngayong Ramadan ay na­pilitan ang mga sundalo na gumanti matapos na rat­ratin ng mga rebelde na pinamumunuan ni Kuman­der Wahid Tundok ang chopper ng Philippine Air Force (PAF) na nagsasa­gawa ng security operations.

Nabatid na si Tundok ay isa sa mga field com­ man­der ni MILF 105th Base Commander Ameril Umbra Kato, may patong sa ulong P10 milyon na nasa likod ng puwer­sa­hang panana­kop sa 15 barangay sa North Cota­bato noong unang araw ng Agosto.

Ayon sa ulat, umabot sa 16 rebelde Moro Islamic Liberation Front ang nama­tay sa isinagawang air strike kahapon

Sa radio interview, ki­numpirma naman ni Ando na may mga sibilyang na­sa­wi sa air strike kahapon ng umaga, subalit mag­sa­sagawa sila ng sariling imbestigasyon.

“Sometimes there is what we call collateral damages in armed encounters,” Dagdag pa ni Ando. (Joy Cantos)