Mag-ama itinumba ng NPA

Isang 40 anyos na ama at anak nito ang nasawi habang isa pa ang gra­beng nasugatan matapos na pagbabarilin ng limang armadong kalalakihan na pinaghihinalaang kasapi ng New People’s Army sa Gutalac, Zamboanga del Norte kamakalawa.

Sa ulat ng Police Regional Office (PRO) 9, nakilala ang mga namatay na sina Francisco Casi­pong, at anak nito na si Jason, 16 anyos.

Nilalapatan naman ng lunas sa pagamutan ang sugatang si Rodelio Saba­nal, 32 anyos, may-asa­wa.

Base sa imbesti­gas­yon,  naganap ang pama­maril dakong alas-9:00 ng uma­ga sa Barangay Pi­togo sa Gutalac.

Kinontrata ng pamilya Casipong si Sabanal at ang helper nito na si Da­nilo Mangubat para putulin ang mga puno ng Geme­lina sa nasabing ba­rangay.

Bigla namang sumulpot ang limang salarin at pi­natigil ang dalawa sa pag­puputol ng mga puno na nauwi sa mainitang pag­tatalo.

Bunsod nito, pinagba­baril ng mga salarin ang mga biktima saka mabilis na nagsitakas. (Joy Cantos)