Mayor itinumba sa madyungan

AGNO, Pangasinan – Nabulabog ang pinaka­ta­himik na bayan ng Agno sa Pangasinan makaraang rat­ratin at mapaslang ng mga ‘di-pa kilalang kalala­ki­han ang kanilang alkal­ de na naglalaro ng mah­jong sa Barangay Pobla­cion East may ilang metro la­mang ang layo sa kan­yang tahanan noong Sa­bado ng gabi.

Nagtamo ng maraming tama ng bala ng M16 Ar­ma­­lite rifle at idineklarang patay sa Alaminos Doctors Hospital sa Alaminos City, si Mayor Arthur Ca­bantac, 53.

Kaagad naman bumuo ng Task Force Cabantac si P/Senior Supt. Isagani Ne­rez, provincial police director sa pangunguna ni P/Supt. David Rapisora, de­puty police director for operations matapos ang pa­mamaslang sa nabang­git na alkalde.

 “Masyadong tahimik ang bayan ng Agno na may ilang kilometro lamang ang layo sa Alaminos City at walang anumang naitalang insidente ng pamamaril, pero nabahiran ng kara­hasan at si Mayor Caban­tac pa ang biktima,” pa­hayag ni Nerez.

Lumilitaw sa imbesti­gasyon na nagmamadyong si Mayor Cabantac sa ba­hay ni Cecilia Bosa habang ang ilang alalay nito ay nasa panulukan ng Zamora at Jaina Street nang na­ganap ang pamamaslang. Wala naman ibang nasawi o kaya nasugatan sa na­ganap na pamamaril.

Napag-alamang pinag­sabihan ni Mayor Cabantac ang kanyang mga bodyguard na mag-roving patrol muna sa nabanggit na lu­gar habang siya ay nag­lalaro ng mahjong.

Ilang anggulo ang sini­silip ng binuong task force partikular na ang motibong pulitika dahil ilang mi­yembro ng Sangguniang Bayan ang nakabangga ng alkalde dahil sa kanyang mahigpit na polisiya.