P4.6-B shabu pinasusunog ng korte

OLONGAPO CITY – Ipi­nag-utos kahapon ng regio­nal trial court ang agarang pag­sunog sa P4.6 bilyong shabu na nakum­piska ng mga aw­toridad sa Subic Bay Freeport kama­kailan

Ang kautusan ay ipina­la­bas ni Judge Raymond Viray ng Olongapo City Regional Trial Court Branch 75 batay na rin sa re­ko­men­dasyon ng prose­kusyon matapos ang ocular inspection kung saan nakalagak ang tinatayang aabot sa 700 kilo ng shabu.

Nakasaad din sa kautu­san ng korte ang pag-transfer sa kustodiya ng Philippine Drug Enforcement Agency sa 714.66 kilo ng shabu mula sa pag-iingat ng Presidential Anti-Smuggling Group (PASG) sa Task Force Subic.

Nagbigay din ng instruk­syon si Judge Viray na ga­gawin ang pagsunog sa loob ng 24-oras matapos ang ginawang ocular inspection ng mga kinatawan mula sa Bureau of Customs at Subic Bay Me­tropo­litan Authority (SBMA).

Sa panig naman ni Atty. Edmundo Arugay, deputy director ng Presidential Anti-Smuggling Group-Task Force Subic (PASG-TFS), na naki­kipag-ugna­yan na ang kan­yang ahen­siya sa pa­mu­nuan ng PDEA upang itakda ang petsa sa pagsu­nog sa ba­­wal na droga. Alex Galang