Ama, 2 anak kinatay ng adik

BULACAN – Brutal na kamatayan ang  sinapit ng mag-aama makaraang pag­sasaksakin ng adik nilang kamag-anak sa  Ba­rangay Ubihan sa bayan ng Meycauayan, Bulacan noong Biyernes ng hapon.

Kabilang sa mga bikti­mang tinadtad ng saksak sa katawan ay si Eladio Peña, 78; mga anak na sina Renato, 48; at Luisito, 42, pawang mga negosyante sa Sitio Apugan sa nabang­git na barangay.

Tugis naman ng pulisya ang suspek na si Renito “Unyong” Arando Jr., 42, ng Sitio Asana Sa ulat Ni P/Supt. De­mos­thanes Felix, hepe ng pulisya, naitala ang krimen ban­ dang alas-3 ng hapon habang nama­mahinga ang mag-aama sa loob ng ka­nilang tahanan.

Napag-alamang puma­sok ang suspek sa likurang bahagi ng bahay ng mag-aama saka pinagsasaksak ang mga biktimang mag­kakahiwalay na nagpapa­hinga.

Inaresto naman si Wil­her­mino Alcanar, 53, tiyuhin ng suspek.

Posibleng pagnanakaw ang motibo ng krimen ma­ta­pos akalain ng suspek na may itinatagong malaking halaga ng pera ang mag-aama mula sa pinagben­tahang mga alagang ma­nok.

Inamin ni Alcanar sa pu­lisya na tinulungan niyang makatakas ang suspek matapos mapatay ang mga biktima.