Davao City – Makakatanggap na ng P15 na dagdag sa kanilang cost of living allowance ang mga manggagawa sa Southern Mindanao makaraang sang-ayunan ng regional tripartite wage and productivity board XI ang halaga na nakasaad sa pinagtibay na Wage Order No. 15.
Inaprubahan ng RTWPB XI ang P15 dagdag sa COLA makaraang magsagawa ng mga kaukulang pagdinig at deliberasyon sa umento sa sahod ng mga manggagawa sa rehiyon.
Itinakda ang minimum na sahod sa Southern Mindanao sa P240 at magiging P255 na kapag nagkabisa ang bagong wage order sa Setyembre.
Sa bagong wage order, pare-pareho na ang umento sa sahod ng mga manggagawa sa mga lunsod at lalawigan.
Hindi na rin magkakaroon ng klasipikasyon sa mga agricultural workers na noong una ay itinataguri sa plantation at non-plantation. (Edith Regalado)