Ilonggo binurda ng saksak ng Waray

CAVITE – Dahil sa sobrang pagkapilosopo, isang Ilonggo ang tinadtad ng saksak na parang baboy ng isang napikong kainumang Waray matapos na magtalo sa inuman sa General Trias, Cavite kamakalawa ng gabi.

Kinilala ni P/Supt. Manuel Placido hepe rito ang biktima na si Moises Trecblacious, 63, may-asawa, tubong Iloilo at residente ng B-63 L-32 Parklane Brgy. San Francisco ng bayang ito.

Mabilis namang tumakas ang suspek dala ang duguang patalim na ginamit sa pamamaslang na si Lorie Sambilao, 29, tubong Samar at residente ng B-64 L-33 ng nabanggit ding lugar.

Nag-iinuman ang dalawa kasama ang ilang kaibigan nang bigla na lamang magalit ang suspek sa sobrang kapilo­sopohan umano ng biktima.

Dahil dito ay nagtalo ang dalawa na humantong sa pag­kapikon ng suspek kaya’t nang maawat ang dalawa ay nagpasya na lamang umalis ng biktima upang umuwi ngunit wala pang limang minuto ay umalis na rin ang suspek.

Dala ang patalim ay sinundan pala ng suspek ang biktima at nang maabutan sa Phase 2 ay agad na dina­luhong at ti­nad­tad ng saksak sa katawan at agad na tu­makas. (Cristina Timbang)