Nagpalabas kahapon ng P1milyong pabuya ang UNTV Channel 37 para sa sinu mang makapagbibigay ng impormasyon laban sa killer ni Dating Daan religious member Marcos Mataro, host ng “D Ex-Man” program ng nasabing television network.
Sa press statement na ipinamahagi sa PNP Press Corps sa Camp Crame, sinabi ni UNTV Station Manager/Broadcaster Jay Sonza, nag-aalok sila ng P1 milyon para mapabilis ang pag lutas sa pagpatay sa isa sa kanilang mga host na si Mataro.
Ayon kay Sonza, ang nasabing halaga ay donasyon ng kanilang mga sponsor, sympathizer at mga ka ibigan na ibig mabigyang hustisya ang sinapit ng kanilang anchorman.
Si Mataro, 39, ay religious member ng Iglesia ng Diyos Kay Kristo Hesus Church na pinamumunuan ng kontrobersyal na spiritual leader at Ang Dating Daan host Eliseo “Eli” Soriano.
Ang nasabing UN TV host ay pinagbabaril hanggang sa mapatay sa kahabaan ng toll exit sa San Simon, Pampanga noong Linggo ng umaga.
Narekober naman ng mga awtoridad sa crime ang mga basyo ng bala ng 9mm at ang motorsiklong DW-4524 na inabandona ng dala wang ‘di pa kilalang lalaki.
Sinisilip naman ng mga awtoridad ang anggulong may kinalaman sa mga kasong attempted homicide sa kinakaharap ni Mataro sa Apalit Municipal Trial Court at Quezon City Regional Trial Court na posibleng may kinalaman sa pamamaslang.
Posible rin anya na may kinalaman ang krimen sa paglipat ng biktima sa grupo ng ADD, ayon sa mga imbestigador.
Kaugnay nito, umapela naman ang UNTV kay Philippine National Police Chief Director General Avelino Razon Jr., at Police Regional Office (PRO) 3 Director Errol Pan na madaliin ang pagresolba sa kaso.