700 dram ng ‘toxic waste’ nasabat

BULACAN — Walo-ka­tao ang inaresto ng pulisya ma­karaang masabat ang ilang dram na naglalaman ng na­kalalasong kemikal sa Ba­rangay Masuso, Pandi, Bula­can kahapon.

Ayon kay Chief Inspector Rene Casis,  kabilang sa mga inarestong suspek ay sina: Jessie Camosco ng Brgy. Camanyangan, Sta. Maria; Blandino Ca­bar­les, Mark Alfred Cabar­les, Mi­chael Ca­barles, Aram Es­trella, Ro­nald Ro­gados ng Brgy. Tungkong Mangga, San Jose Del Monte City at si Jefrey Timbang ng San Miguel, Bulacan.

Ayon sa ulat, ang mga sus­­pek na nag-deliver ng mga dram na may lamang kemikal ay lulan ng Isuzu Elf truck (UPY-188) at Isuzu Forward truck na may plakang RDP 829.

Napag-alamang nag­mula ang mga dram ng kemikal sa D&L factory sa Manggahan, Pasig City at nakumpiska rin ang delivery receipt na pir­mado ng isang nagnga­nga­lang Ping Yu. Nadis­kub­re rin ng mga awtoridad ang 700 dram na pinanini­wa­laang nag­lala­man ng na­kalalasong kemikal sa ba­kanteng lote sa nabang­git na barangay na pag-aari ni Fely Con­cepcion.

Ayon kay Barangay Chair­­man Pedro Aven­daño, mata­gal nang inire­reklamo ng mga residente ang ma­sang­sang na amoy mula sa ba­kan­teng lote na sinasa­bing pinagtatapunan ng kemikal.

Kapag napatunayang na­kalalasong kemikal ang la­man ng mga dram ay ka­kasuhan ang mga suspek at ang may-ari ng bakanteng lote na gi­na­gamit na imba­kan. Dino Balabo