CALAPAN CITY, Oriental Mindoro – Isang sinasabing “number one most wanted person” sa Occidental Mindoro ang naaresto ng pulisya sa Antique kamakalawa ng umaga.
Sa ulat ni Occidental Mindoro PNP Director Sr. Supt. Audie Arroyo, nalaman na naaresto si Bibiano Cipres, 32, binata at walang trabaho, na sinasabi ng mga awtoridad sa Occidental Mindoro na nangunguna sa kanilang listahan ng mga “wanted persons” sa nasabing lalawigan. Siya ay naaresto, dakong alas-6:15 ng umaga sa Barangay Sibay, Caluya, Antique.
Ang suspek ay may standing warrant of arrest na inisyu ng San Jose regional trial court para sa kasong kidnapping with homicide. (Juancho Mahusay)