Mindoro jailbreak: 1 todas, 2 nakapuga

CAMP VICENTE LIM, Laguna – Tatlong preso ang iniulat na nakatakas sa Occidental Mindoro provincial jail kung saan isa ang napatay ng mga awtoridad nang abutan sa bayan ng San Jose, Occidental Min­doro noong Martes ng hapon.

Kinilala ni P/Chief Supt. Luisito Palmera, Region 4-B (Mindoro, Marinduque, Rom­blon, Palawan) ang napatay na preso na si Junjun Ta­ lamisan na naha­harap sa kasong murder, samantalang nakatakas naman sina Jeffrey Ser­vano at Edmund Estuesta na may mga ka­song robbery at paglabag sa Comelec gun ban.

Si Talamisan ay napatay ng mga tauhan ng Bureau of Jail Management and Penology at local police matapos mang-hostage ng bata pagsapit sa may Barangay Bayotbot sa bayan ng San Jose.

Ayon kay Palmera, tinu­tukan ng kutsilyo ni Talisman ang bata na nagbun­sod para barilin siya ng isang pulis pero nag-jam ang baril nito hanggang sa mag-agawan na lang sila sa kutsilyo.

Habang nagbubuno, naagaw ng pulis ang kut­silyo hanggang sa masak­sak nito sa dibdib ang preso na nagresulta ng pagka­kapatay.

Samantala, nagsasa­gawa naman ngayon ng isang manhunt operation ang mga awtoridad laban sa dalawang preso na nakatakas.

Sa inisyal na ulat, inak­yat ng mga preso ang perimeter fence ng provincial jail sa Barangay Mag­bay bandang alas-2:30 ng hapon

Nalalagay naman sa balag ng alanganing masi­bak sa tungkulin at papa­nagutin ang mga jailguard na nagpabaya sa nasabing jailbreak. (Arnell Ozaeta)