CAMP CRAME – Brutal na kamatayan ang sinapit ng dalawa-katao kabilang ang isang barangay kagawad makaraang ratratin ng mga ‘di-kilalang kalalakihan habang nagdarasal ang una sa Sitio Sitimpa, Barangay Luui Pandan sa bayan ng Bongao, Tawi-Tawi kamakalawa.
Kabilang sa mga napaslang ay sina Barangay Kagawad Asiri Baybayan at Indang Sakandal.
Samantala, inoobserbahan naman sa Datu Halum Memorial Hospital ang mga sugatang sina Iyam Balayan at Damia Madisan.
Sa ulat ni P/Chief Supt. Joel Goltiao, police director ng Autonomous Region in Muslim Mindanao, na isinumite sa Camp Crame, nag-ugat ang krimen makaraang magtalo sina Baybayan at ang suspek na si Araja Ammad kaugnay sa pinag-aagawang dalaga.
Gayon pa man, makalipas ang ilang oras habang ang mga biktima ay nagdarasal sa tahanan ni Baybayan nang dumating at ratratin ng suspek.
Pinaniniwalaang love triangle ang isa sa motibo ng kri men habang patuloy naman ang imbestigasyon ng pulisya. (Joy Cantos)