Trak vs dyipni: 2 utas

OLONGAPO CITY – Dalawa-katao ang kumpirmadong nasawi habang 17 naman ang nasugatan makaraang salpukin ng delivery truck ang pampasa­herong jeepney ng mga biktima sa highway na sakop ng Ba­rangay Upper Kalak­han, Olongapo City kahapon ng umaga.

Kabilang sa mga natodas ay sina Larry Bermudez, 45, drayber ng jeepney;at Joselito Collado, 27, security guard.

Dinala naman sa James Gordon Memorial Hospital ang mga sugatang sina Jubilee Diatu, Marilou Collado, Rolito Comia, Analyn Idanan, Catherine Cal­pito, April Mae Serdon­cillo, Roberto Pedrina, Redalyn Edillor, Larry Rosales, Jonathan Mas­carina, Alvin Arra­nosa, Elma Quijano, Mark Escano, Marilou Ordillas, Jobelyn Je­san, Victor Dela Cruz at si Louie Balintos.

Sa inisyal na im­bestigasyon ng pulis-Gapo, lumilitaw na patungo sa Bulacan mula sa Zambales ang delivery truck (WKL-157) na minamaneho ni Narciso Luna nang salpukin nito ang ka­salubong na pampa­saherong jeepney (CUP-259) ni Bermu­dez.

Napag-alaman sa ulat ng pulisya na posibleng nakaidlip sa pagmamaneho si Luna kaya naganap ang sakuna. Kaagad na­mang tumakas si Luna, kasama ang dalawang pahinante na ‘di na­tukoy ang pagkikilan­lan.