Jailwarden, jailguard kinasuhan

KIDAPAWAN CITY – Nalalagay sa balag ng alanganin ang isang jailwarden at jailguard ng North Cotabato Provincial Jail na natakasan ng preso na may kasong rape makaraang ka­suhan sa Office of the Ombudsman sa Da­vao City noong Dis­yembre 2007.

Base sa reklamo ni Leonor Oria na isinampa sa Ombudsman, naging pabaya sina Red Ma­rasigan, provincial jailwarden at Deo­genes Buenafe, jail­guard, sa kanilang tungkulin kaya na­katakas ang rape suspek na si Gilbert Borlat Lopez, 30, da­ting sales executive ng pribadong kom­panya sa Davao City.

Napag-alamang si Oria ay ina ng bik­timang hinalay ni Lo­pez.

Ayon sa ulat, gi­nawang trustee ni Buenafe, ang suspek na si Lopez kaya ma­layang nakalalabas ng selda, subalit sina­mantala nito na ma­katakas.

Noong Bi­yernes ng Enero 4, namataan ng mga kaanak ng bitima si  Lopez sa Kidapawan City kaya kaagad nilang ipinagbigay-alam sa mga aw­toridad subalit na­katakas din. (Malu Manar)