13-anyos pinatay ni tatay

CAMP SIMEON OLA, Legazpi City  – Pasko ni ka­matayan ang suma­lu­bong sa pag­lalaro ng  isang 13-anyos na batang lalaki ma­ta­pos barilin sa ulo ng sa­riling ama sa Barangay Pi­nada, Calabanga sa Ca­ma­rines Sur, kama­kalawa ng hapon.

Sabog ang bao ng ulo at nagkalat ang utak ng bikti­mang si John Gil Catim­bang, samantala, ang sus­pek na kaagad naman sumuko sa mga opisyal ng barangay may ilang oras matapos ang krimen ay kinilalang si Ro­dolfo Ca­timbang, 38, biyudo at kapwa residente ng na­banggit na barangay.

Napag-alamang mag-isang nagdaos ng Kapas­kuhan ang suspek sa loob ng kanilang bahay na nag­pakalango sa alak.

Ganap na alas-3 ng ha­pon nang lumabas ng ka­ni­lang bahay na lango na sa alak at nang mamataan ang anak na lalaki na naki­kipag­laro sa ibang bata ay bigla nitong nilapitan  at binaril sa ulo.

May posibilidad na na­rin­di ang suspek  sa ingay ng kanyang anak na nagla­laro kaya pinatahimik ito.

Matapos ang pamamaril ay kaagad naman na tu­makas ang suspek, subalit dakong alas-6:45 ng gabi ay nagtungo sa bahay ng kanilang barangay captain at isinuko ang kanyang sa­rili.

Sa kasalukuyan iniha­handa na ng mga aw­to­ri­dad ang pagsasampa ng kasong parricide la­ban sa suspek na na­kakulong sa himpilan ng pulisya.