Fashion designer dinedo

CAMP VICENTE LIM, Laguna  – Hindi na sinikatan ng araw ang isang kilalang fashion designer kung saan natagpuang pa­tay sa loob ng kanyang bahay sa Barangay 2 sa ba­yan ng Pag­san­jan, Laguna noong Sa­bado ng gabi.

Kinilala ni P/Senior Supt. Felipe Rojas, Jr., Laguna police director, ang biktimang si Er­nesto “Ernest” San­tiago, 68, ng Rizal Street sa nabanggit na barangay.

Si Santiago ay mi­yembro ng Fashion Designers Association of the Philippines at ka­samahan ng kapwa sikat na designers na sina Pitoy Moreno, Ben Ferrales, Christian Es­piritu at Rudy Fuentes noong dekada 70s.

Ayon sa ulat, ban­dang alas-10 ng uma­ga nang madiskubre ng stay-out house cleaner na si Paulo Herrera ang bangkay ng kanyang amo ban­dang alas-10 ng uma­ga

Sa pagsusuri ng Scene of the Crime Operatives (SOCO), nag­tamo ng sugat sa ulo ang biktima mata­pos paluin ng matigas na bagay.

“Huling namataang buhay ang biktima na nag-Simbang Gabi ban­dang alas-4 ng ma­daling-araw ng linggo,” pahayag ni Rojas

 “Kung totoo ang statement ng mga witness, posibleng nang­yari ang krimen sa pagitan ng alas-4 ng madaling-araw hanggang bago mag-alas-10 ng umaga,” dag­dag pa ni Rojas.

Pagnanakaw o robbery with homicide ang anggulong tinitingnan ng mga awtoridad matapos madiskubreng na­wa­wala ang mga ma­ma­haling alahas ng biktima kasama na ang hindi pa malamang halaga.