CAMP CRAME – Brutal na kamatayan ang sinapit ng tatlo-katao kabilang ang isang mag-ina makaraang pagtatagain ng nag-iisang ‘di-kilalang lalaki sa loob ng bahay ng mga biktima sa Barangay Balucanad, Capoocan, Leyte kamakalawa ng hapon.
Kabilang sa kinatay ay sina Bibina Llore, 49; anak nitong si John Joshua Lloren, 8; at Raffy Nedruda, 15, pamangkin ni Bibina. Batay sa ulat ni P/Chief Supt Abner Cabalquinto, regional police director, natagpuan ang mga bangkay ng biktima sa loob ng kanilang bahay na pinaniniwalaang pagnanakaw ang motibo.
May posibilidad na kakilala ng mga biktima ang suspek dahil walang palatandaang winasak ang pintuan ng bahay. Napag-alaman pa na naghugas ng kamay ang suspek upang alisin ang bahid ng dugo bago tuluyang tumakas. (Joy Cantos)