Bangka lumubog: Mag-asawa lunod

Hanggang sa kamata­yan ay hindi naghiwalay ang mag-asawang matan­da matapos na lumubog ang bangkang kanilang sinasakyan sa karagatang sakop ng Mandaue City, Cebu noong Martes ng hapon.

Kinilala ang mga bikti­mang sina Magdaleno Maranan, 80 at Victoria Maranan, 85. Ayon kay PCG Spokesman Lt. S/G Armand Balilo, ang mag-asawa ay kabilang sa 43-pasahero ng bangkang de motor (Ave Maria 5) na lumubog habang nagla­layag patungo sa Poro Island mula sa Mandaue City port. Sa inisyal na im­bestigasyon, lumilitaw na nasiraan ng makina ang nasabing bangka matapos na balyahin ng malaking alon na nagresulta sa pag­kakaroon ng bitak sa ilalim hanggang sa lumubog.

Nailigtas naman ang mga nalalabing pasahero at tripulante ng bangka ha­bang narekober naman ng rescue team ang mga bangkay ng mag-asawa. (Edu Punay)