5 katao dedo sa landslide

CAMP CRAME – Lima-katao, kabilang ang tatlong bata ang iniulat na nasawi sa naganap na magkaka­hiwalay na landslides dulot ng patuloy na ulan sa Catanduanes, kamakalawa ng gabi. Kabilang sa mga na­matay ay nakilalang sina Nelson Tanael, 37; Michelle Tenoria, 27; Nicole Marvin Tanael, 4; at Reinhard Tanael, 3, pawang naninirahan sa Barangay Bagong Sirang, Baras, kasama ang 10-anyos na si Carmela Olat ng Ba­rangay Osmeña. Sa ulat ng National Disaster Coordinating Council, kabilang sa mga bayang sinalanta ng landslides ay ang Ba­ras, Bato, San Miguel, San Andres at Cara­moran. Apektado rin ang mga barangay ng Balongbong at Sibacu­ngan sa bayan ng Bato; Boton, Pangilao, Buhi, at Siay sa bayan ng San Miguel; Lubas, Boroc­bosoc at Cabu­ngahan sa bayan ng San An­dres; Panaba­nanon at Da­riao sa bayan ng Ca­ramoran; at mga Ba­rangay Ba­tolinao, Sal­vacion, Ti­lod, Pani­qui­han at Pu­raran sa bayan naman ng Ba­ ras. Patu­loy na­man ang relief good operations ng mga aw­toridad sa mga apek­tado ng kala­mi­dad. Danilo Garcia at Ed Casulla