PAL plane lumampas sa runway

BUTUAN CITY –  Suga­tan at nakaligtas sa tiyak na kamatayan ang dala­wang piloto at 148 pasa­hero ng Airbus A320 ng Philippine Airlines (PAL) makaraang mag-overshoot sa Butuan Airport runway kahapon ng umaga.

Ayon kay Rollie Esta­billo, PAL vice president for corporate communication, nagkaroon lamang ng minor damage ang PAL Airbus A320 nang mag-landing sa runway 30 ng pali­paran ng Butuan City.

Ayon sa ulat, limang metro lamang ang layo sa Army camp gasoline’s at diesel fuel depot ang kina­lalagyan ng nasabing ero­plano at posibleng sumik­lab ang matinding pagsa­bog sakaling hindi naiiwas ng piloto ang eroplano.

Wala namang naiulat na may nasawi o malubhang nasaktang pasahero.

Nabatid sa  mani­pes­to na umaabot sa 148 pa­sahero at crew ang lulan ng PAL flight PR-475 na uma­lis sa Manila Domestic Airport dakong ala-5:10 ng umaga kahapon at luma­pag sa Butuan City Airport bandang alas-6:07 ng umaga kahapon. 

Dahil sa nasabing in­sidente, pansamantalang isinara  ang naturang airport at inaasahang mag­dudulot ito ng pagka­antala at kanselasyon ng iba pang domestic flights  na katulad ng Cebu Pacific Airways at iba pang local domestic airlines na pa­punta sa naturang lu­gar. 

Napag-alamang marami ring nawasak na kabaha­yan kabilang na ang bahay nina Lily Gerona at Medel Balacano na nagreklamo dahil nawasak ang kanilang concrete pig pen na nira­gasa ng eroplano sa Purok 6 sa Barangay Bancasi.

Pitong  pasaherong may sugat sa katawan na nama­taan ng newsmen  na nag­rereklamo sa PAL Butuan City Office  ay nakilalang sina Simeon Salas, Lou­vette Romarate, Reinelle Ayonayon at anak nilang si Tisha, 7 at dalawang hindi nabatid ang pagkikilanlan na pawang naninirahan sa Antipolo City, habang ang Japanese national na si Masaya Okasawa ay dinala sa ospital dahil sa nose bleeding.

Kabilang sa mga pa­sahero ng eroplano ay pawang mga top officials ng Department of Education Culture and Sports (DECS) na pinangunahan ni Un­dersecretary Franklin Su­nga, Department of Health Regional Director Leonita Gorgolon at mga anak ng P/Chief Supt. Jaime Milla, Caraga regional police director na pawang nasa ligtas na kalagayan.

Patuloy naman ang masusing imbestigasyon sa naturang insidente. Ben Serrano, Ellen Fer­nando at Joy Cantos