CAMP SIMEON OLA, Legazpi City — Labintatlong bata na nag-field trip ang iniulat na nasugatan makaraang tumagilid ang pickup van na sinasakyan ng mga biktima sa kahabaan ng Sitio Calpi sa Barangay Maingan, Masbate City kamakalawa ng umaga. Kabilang sa mga biktimang nasugatan at naisugod sa Masbate Provincial Hospital ay sina Angeles Danao, drayber; Gregorio Laban, Ruel Tacyaman, Vincent Gadgude, Alberto Belarmino, Mark Ian Descalzo, Jerro Aban, Jay Robert Concepcion, Ronald Del Cruz, John Lawrence Alvarez, Newton Danao, Isagani Dongon at si John Delavin, pawang mga estudyante ng Masbate National Comprehensive High School. Ayon sa ulat, nawalan ng preno ang sasakyan ng tumagilid sa lansangan. Ed Casulla