4 na holdaper napatay

Apat na pinaghihinalaang miyembro ng isang robbery/holdup at carnapping syndicates ang napatay sa  pakikipagbarilan sa tumutugis na mga pulis  sa Bustos, Bulacan nitong Sabado ng hapon. Sa kasalukuyan, ayon kay  Bulacan  Provincial Police Office Director, Senior Superintendent Asher Dolina, patuloy pa nilang inaalam ang mga pangalan ng mga napatay na suspek. Ayon kay Dolina, bandang alas-4:30 kahapon ng hapon nang makaengkuwentro ng pinagsanib na elemento ng Traffic Management Group Regional Office 3 at Bulacan Provincial Police Office ang mga suspek sa highway ng Poblacion sa bayan ng Bustos. Joy Cantos

1 patay  sa road mishap

Kinalawit ni kamatayan ang isa katao habang apat pa ang nasa kritikal na kondisyon matapos na aksidenteng tumaob ang isang pampasaherong bus sa kahabaan ng national highway sa Surigao City, Surigao del Sur kamakalawa ng madaling-araw. Kinilala ang mga nasawi na sina Edgar Dangate, 36. Ang mga sugatan ay dinala sa Surigao Medical Center  para malapatan ng lunas. Joy Cantos