Ex-pastor, anak nilikida

SAN CARLOS CITY, Pangasinan —  Bayo­len­teng kama­tayan ang sinapit ng isang dating pastor ng Baptist Church at ang anak nitong lalaki ma­karaang ratratin ng mga ’di-kilalang kalala­kihan sa loob ng kanilang taha­nan sa Barangay Magtaking, San Carlos City, Pangasinan nitong Lunes ng gabi.

Kinilala ni SPO4 Jose Resultan, ang mag-amang pinaslang na si Romeo Bulatao, 46, branch manager ng motorcycle store at Dennis Bulatao, 21, bi­nata, sales agent ng kanyang ama sa tinda­han ng mga motorsiklo.

Napag-alamang mag­kasamang nano­nood ng telebisyon sa loob ng ka­ni­lang bahay ang pamilya Bulatao kabilang ang misis ni Romeo at tatlong anak nang pasu­kin at pagba­barilin ng dalawang armadong kalalakihan ang matandang Bu­latao.

Nang marinig ni Dennis ang sunud-sunod na putok sa sala ay agad itong lumabas ng ku­warto para sak­lolohan ang ama, subalit sina­lubong siya ng putok ng baril.

Naisugod pa sa Blessed Doctors Hospital sa Barangay Ilang ang mag-ama subalit idinek­larang patay ng doctor.

Hindi naman nakilala ang mga suspek na tuma­kas sakay ng mo­torsiklo habang naka­kuha naman sa crime scene ng  ilang basyo ng bala ng baril.

Sinisilip ng mga im­bestigador ang moti­bong ‘love triangle’ na pina­niniwalaang may kina­laman sa krimen habang sinisiyasat na­man ang ilang anggulo.