Panauhing pandangal sina Lt. General Romeo Tolentino, Philippine Army Commander, at dating Kongresista Mark Jimenez, na siyang guest speaker sa isang isang seremonya sa Sitio Pinaltakan, Barangay Caballero, ng lungsod.
Ang mga beneficiaries ay mula sa Special Forces Regiment, Special Operations Command, 3rd Mechanized Infantry Battalion, Training and Doctrine Command, 525th Engineer Battalion at Light Armored Division ng 7th Infantry Brigade. Sinabi ni Tolentino, na buhay ang puhunan ng mga sundalo sa kanilang trabaho subalit sila pa ang napapabayaan ng gobyerno na karamihan ay walang sariling bahay at nangungupahan lamang o nakikitira sa mga biyenan o kamag anak.
Umaabot sa P50,000 ang halaga ng bawat bahay na ang kalahati nito ay babayaran ng recipients at ang kalahati ay donation galing kay Jimenez. Ang bawat lote ay 300 square meter na bigay ng gobyerno. (Christian Ryan Sta. Ana)