2 dedo sa hijacker

GUIGUINTO, Bulacan – Dalawang namamagang bangkay ang tumambad sa mga opisyal ng Manila North Tollways Corporation (MNTC) matapos buksan ang isang inabandonang trailer truck sa North Luzon Expressway (NLEX) noong Linggo. Sa ulat ng pulisya ng bayang nabanggit, kinilala ni Emilio Yu, operations manager ng NLT Trucking Corporation, ang mga biktimang sina Efren Verdera, drayber at Gervy Rosillosa, pahinante ng truck na may plakang DMK 978 at trailer na may plakang DUC 570. Ayon kay PO2 Sonny Estrella, nagmula sa isang planta ng gatas sa bayan ng Cabuyao, Laguna ang nasabing trailer truck noong Hunyo 23, subalit hindi nakarating sa kanilang bodega sa Libis, Quezon City at sa halip ay natagpuang abandonado sa NLEX na sakop ng nasabing bayan. Nawawala na ang mga kargamentong gatas na nagkakahalaga ng P4-milyon na posibleng biktima ng hijacking ang nasabing truck at inabandona sa nabanggit na highway. (Dino Balabo)