Kinilala ng pulisya ang biktimang napatay na si Danilo Gonzales, habang nakatakas naman ang kasamang si Leopoldo Abiles Bareda, 46, na kapwa naninirahan sa nabanggit na barangay.
Base sa ulat ni PO3 Joel Malinao, naaktuhan ng mga security guard na sina Edwin Monquito at Rommel Pacot na nagnanakaw ng mga kable ng kuryente sina Gonzales at Bareda sa naturang lugar.
Imbes na sumuko ang dalawa ay pinutukan ng baril ni Gonzales ang dalawang sikyu na papalapit kaya napilitang gumanti ng putok ng shotgun.
Matapos magbarilan ang magkabilang panig ay duguang bumulagta si Gonzales habang tumakas naman si Bareda.
Narekober sa crime scene ang limang metro ng kable ng kuryente na naiwan ni Bareda, habang iniimbestigahan ng pulisya ang naganap na insidente. (Cristina Timbang)