3 timbog sa 30 kilong marijuana

BAGUIO CITY — Tatlong kalalakihan ang nadakma ng mga tauhan ng Philippine Drug Enforcement Agency-Cordillera (PDEA-CAR) makaraang makumpiskahan ng 30 bricks ng pinatuyong dahon ng marijuana sa isinagawang buy-bust operation sa bahagi ng Sitio Surong, Barangay Pinsao sa nabanggit na lungsod, kamakalawa.

Ayon kay P/Supt. Danilo Flordeliza, regional director, aabot sa P587,000 at 100 gramo ng hashish na may halagang P27,000 ang nasabat sa mga suspek na sina Denson Bagnisen, 18; Artemio Sagayo, 43, na kapwa taga-La Trinidad, Benguet at isang 17-anyos na hindi pinabanggit ang pangalan sa bayan ng Tinglayan sa Kalinga Province. Unang nadakma ang isang 17-anyos na lalaki sa buy-bust operation hanggang sa maaktuhan ang dalawa pa bandang alas-4 ng hapon. (Ulat ni Artemio Dumlao)