2 barangay tanod nilikida

DINALUPIHAN, Bataan – Dalawang barangay tanod ang iniulat na pinatay sa magkahiwalay na bahagi ng Dinalupihan, Bataan, sa naganap na karahasan, kamakalawa. Kinilala ni P/Sr. Insp.Rolando del Rosario Broqueza, hepe ng Dinalupihan PNP ang mga biktimang sina Eugenio Baltazar, 48, may-asawa, ng Barangay Sapang Balas at Fidel Gutierrez, 47, binata, ng Barangay Del Rosario. Sa ulat, si Baltazar ay pinasok sa sariling bahay saka sinaksak ng mga suspek na sina Michael Aguilar at Pedro Golondrina. Sugatan naman ang asawang si Grace. Samantalang si Gutierrez na naglalakad sa kahabaan ng Barangay Del Rosario ay pinagbabaril hanggang sa mapatay ng dalawang hindi kilalang lalaki na sakay ng motorsiklo. (Ulat ni Jonie Capalaran)