Sa panibagong impormasyong nakalap, sinibak sa kanilang puwesto ang mga walang kalaban-labang sina Florencio Cruz; Carlos Castro; Jessie Agustin; Jimmy Layug na kapwa residente ng Bataan at Abner Tirona ng Olongapo City.
Ang limang empleyado na pawang nakatalaga sa cargo at processing division ng Seaport Department ay sabay-sabay na sinibak sa tungkulin dahil sa maling hinala na nagbibigay ng impormasyon sa PSN.
Ang pagkakasibak sa lima ay sinang-ayunan ni Senior Deputy Administrator for Seaport Operations at Anti-Smuggling Task Force commander ret. Lt. Gen. Jose Calimlim matapos irekomenda nina Asycuda at cargo division chief John Aquino; Ernesto Paguyo, general manager ng Seaport Department at ret. Gen. Percival Subala, deputy administrator ng seaport operations
Matatandaan na naibulgar ng PSN ang ilegal na transaksyon sa loob ng Asycuda section tungkol sa talamak na bentahan ng green lane zone permit sa mga kasabwat na smugglers.
Tila naging inutil naman sina Paguyo, Subala at maging si Calimlim na masawata ang lumalalang anomalya sa naturang departamento na kinasasangkutan ng ilang opisyal. (Ulat ni Jeff Tombado)