Mister dinedo dahil sa mikropono

CAMP SIMEON OLA – Isang 47-anyos na mister ang binaril at napatay ng isang lalaki na pinaniniwalaang tumangging ibigay ang mikropono sa biktima sa loob ng videoke bar sa Barangay Bacolod, Milagros, Masbate kamakalawa ng gabi. Dahil sa naganap na rambulan sa naturang lugar ay nasawi ang biktimang si Rogelio De Jesus ng Barangay Poblacion West, samantalang sugatan naman sina: Roy Sia, Orville Bulalacao at Emeliano Rebaya na pawang naninirahan sa nabanggit na barangay. Sa ulat ng pulisya, nairita ang biktima kay Roy dahil sa pagtangging ibigay ang mikropono kahit na tapos nang kumanta kaya nilapitan nito at tinutukan ng baril. Dito nagsimula ang rambulan at tinamaan ng ligaw na bala ng baril ang tatlo. (Ulat ni Ed Casulla)