CAFGU dinedo ng sundalo

QUEZON – May posibilidad na matinding alitan kaya pinagbabaril hanggang sa mapatay ang isang 37-anyos na kasapi ng Citizens Armed Forces Geographical Unit (CAFGU) ng kalabang sundalo ng 4th Infantry Battalion, kasama ang ama’t utol na lalaki sa Sitio Taguan, Barangay Bukal Sur kamakalawa ng gabi.

Napuruhan ang biktimang si Angelo Lasat, samantalang sumuko naman ang mga suspek na sina: Cpl. Jerry Platino; Wilfredo Platino, ama ni Jerry at utol na si Jayson. Sa imbestigasyon ni SPO1 Florentino Manalo, naitala ang krimen dakong alas-10 ng gabi matapos na makipag-inuman ang biktima sa kanyang mga kaibigan. Patuloy na sinisiyasat ng pulisya ang iba pang anggulo ng pamamaslang. (Ulat ni Tony Sandoval)