Base sa ulat ng pulisya, si Clarito Orosubal na may nakabinbing kaso ng robbery at murder sa Masbate ay may patong sa ulo na P250,000 at isang notoryus na bayarang mamatay-tao sa tamang presyo.
Ayon sa asawa ni Endrinal, positibong naman kinilala ng mga testigo si Orosubal matapos na isagawa ang pamamaslang sa biktima habang papasok ng radio station dzRC dakong alas-6 ng umaga noong Miyerkules.
Si Endrinal, 45, ay ikalawang journalist na ang napapatay sa loob lamang ng tatlong buwan at ayon sa ulat ng Center for Media Freedom and Responsability, Ika-44 na ang biktima sa buong bansa simula noong 1986.
Tinutugis naman ng mga awtoridad ang kasama ni Orosubal sa hindi binanggit na bayan para hindi masunog ang isinagawang dragnet operation.
Kinondena naman ng Citizens Anti-Crime Assistance Group (CAAG) sa pamumuno ni Roger Santos, CAAG national president, ang brutal na pamamaslang kay Endrinal. (Ulat ni Ed Casulla)