6 absuwelto sa bitay

Anim na akusado na hinatulang mabitay ng mababang hukuman ang inabsuwelto ng Korte Suprema makaraang mapatunayang inosente sa kasong pagpatay noong Disyembre 28, 1999 sa Bauang, La Union.

Sa 16-pahinang desisyon, pinawalang-sala sa kasong murder sina Nestor Marquez, Benjamin Laegen, Rodolfo Sagun, Rodemir Guerzo, Mellke Ignacio at Nelson Echabaria na pinatawan ng kamatayan ng La Union Regional Trial Court Branch 67 dahil sa isinasangkot sa pagpatay sa apat na sibilyan.

Kinatigan naman ng Korte Suprema ang parusang bitay sa dalawang kasama ng anim na sina Dominador Cachola at Ernesto Salazar dahil sa positibong kinilala ng testigong 12-anyos na si Jessie Barnachea.

Agad namang inatasan ang Bureau of Corrections ng mataas na hukuman ang pagpapalaya sa anim. (Ulat ni Grace dela Cruz)