Piloto dedo sa chopper crash

Camp Crame — Isang piloto ang nasawi makaraang bumagsak ang sinasakyan nitong chopper makaraang aksidenteng sumabit sa kable ng kuryente sa naganap na trahedya sa plantasyon ng saging sa Malalag, Davao del Sur kamakalawa.

Kinilala ang biktima na si Capt. Felix Cabardo na nagtamo ng grabeng sugat sa katawan sa insidente na siyang dagliang kumitil sa buhay nito. Base sa ulat dakong alas-6:20 ng umaga habang pinalilipad ni Cabardo ang single seater sprayer aircraft na may body number RPR 2463 at pag-aari ng Lapanday Food Corp. ng maganap ang sakuna sa Sitio Lumbia, Poblacion, Malalag, Davao del Sur.

Habang nag-i-spray umano sa Banana Plantation ng MVPI South ang aircraft ay aksidente itong sumabit sa kable ng kuryente ng National Power Corporation (NAPOCOR) main line. (Ulat ni Joy Cantos)