Mag-ama niratrat sa bahay

LABO, Camarines Norte – Sa hindi maipaliwanag na dahilan ay pinagbabaril ang bahay ng mag-amang Asis na ikinasawi ng matanda at ikinasugat naman ng malubha ng isang 11-anyos na babae kamakalawa ng gabi sa Barangay Napaod ng naturang bayan.

Kinilala ng pulisya ang nasawing biktima na si Noel Asis, samantalang kritikal naman si Jenny Rose Asis matapos na magtamo ng anim na tama ng bala sa katawan.

Naitala ng pulisya ang krimen dakong alas-9:15 ng gabi habang naghahanda ng medya noche ang mag-ama sa loob ng kanilang bahay. Napag-alamang nakaligtas naman ang dalawang bata dahil sa natutulog nang ratratin ang mag-ama sa kusina. (Ulat ni Francis Elevado)