‘Drug pusher’ itinumba

LINGAYEN, Pangasinan – Tinambangan at napatay ang isang lalaki na pinaniniwalaang notoryus drug pusher ng dalawang nagmotorsiklong hindi kilalang armadong lalaki habang ang biktima ay bumibili ng betsin sa tindahan malapit sa kanilang bahay sa Tavera St., Barangay Sta. Maria Norte, Binalonan, Pangasinan.

Sa ulat na nakarating sa Pangasinan PNP provincial office, nakilala ang biktima na si Nilo Mariano na nagtamo ng dalawang tama ng bala ng baril sa katawan.

Ayon pa sa ulat na ang biktima ay nakatala sa police watchlist bilang drug pusher at pinaniniwalaang itinumba ng vigilante group. (Ulat ni Cesar S. Ramirez)